ഞാൻ നനയാൻ മറന്ന മഴയ്ക്ക്

ഞാൻ നനയാൻ മറന്ന മഴയ്ക്ക്

നീ എന്നും കുളിരേകിയ എന്റെ കൂട്ടുകാരി 
പക്ഷെ ഞാൻ ഇന്ന് നിന്നിലെക്കിറങ്ങാൻ മറന്നിരിക്കുന്നു
നഗരത്തിന്റെ  ബഹളത്തിൽ ഞാൻ നിന്റെ ആരവം കേട്ടില്ല.
ഉള്ളിലേക്ക് മാത്രം നോകിയ എന്റെ കണ്ണുകളിൽ കാർമേഘങ്ങൾ തെളിഞ്ഞില്ല
വെറുങ്ങലിച്ച എന്റെ ഹൃദയം നിന്റെ വരവ് അറിഞ്ഞില്ല
നീ തുള്ളിയായി പെയ്തു ഇറങ്ങിയപ്പോൾ
എന്റെ ജാലകങ്ങൾ അടഞ്ഞു കിടന്നു.
നീ ആർത്തു ഉല്ലസിച്ചു തിമർത്തു  പെയ്തപ്പോൾ
ഞാൻ അടഞ്ഞ വാതിലിനിപ്പുറം ഇരുന്നു
നീ യാത്ര പറഞ്ഞു പോകാൻ ഒരുങ്ങിയപ്പോൾ  
മുഖത്തേക്ക്  പാറി വന്ന നിന്റെ കൈകള തട്ടി മാറ്റി.
ക്ഷമികുക ഞാൻ എന്നിലേക്ക്‌ ചുരുങ്ങുന്നു
എന്നെ ഞാൻ ആക്കിയ നിന്നെ മറന്നു
നീ തന്ന സ്വപ്നങ്ങളെ മറന്നു നീ തന്ന ഓർമകളെ  മറന്നു
നിന്ടെ വിശാലമായ ആകാശം ഇന്നെനികൊരു ആഡംബരം മാത്രം